• Contignü de chësta plata
  1. Ejaminaziun dles lamentanzes
  2. Consulënza y Informaziuns
  3. Mediaturia danter zitadins y aministraziun
  4. Ostes propostes vëgn menades inant

Funziuns

Ejaminaziun dles lamentanzes

Sc'i se sintise tratè/tratada iniustamënter da n ofize, sce osta prozedöra se tira en lunch, sc'i ne rovëis nia pro üsc dërć, sc'i ne sciafiëis nia o sc'i l'ëis jomada ia da s'la fa avarëi, ejaminunse ostes lamentanzes y i se porvun da ćiafè na soluziun verifican sce le comportamënt dl ofize é stè dërt y iüst. I ćiarun che les pratiches, les prozedöres y les dezijiuns dl'aministraziun publica vëgnes portades inant y tutes do regola y por tëmp.

Consulënza y Informaziuns

Sc'i minëis de ne ester nia aconsià assà te chestiuns dl'aministraziun comunala y provinziala, sc'i adorëis deplü informaziuns o consëis tl raport cun i ofizi, sc'i ne savëis nia cô o sc'i podëis mëte en dübe o contestè n provedimënt dl'autorité aministrativa, podunse ves dè les informaziuns y i consëis ch'i adorëis. Nos baiun de Osta chestiun cun Os y se dun n consëi co jì inant.

Mediaturia danter zitadins y aministraziun

Sc'i ne se sintise nia tuć söl scerio da n'autorité, sc'i sëis dla minunga ch'i ëis le dërt a na dezijiun plü vantajosa, sc'i se stentëis da rajonè cun l'ombolt o cun val'impiegat, sc'i ëis problems sciöche dependënt dla provinzia o dl comun cun osc datur de laûr, po la defenüda zivica intermedié y chirì na soluziun tl conflit. La Defenüda zivica po damanè ai ofizi na tuta de posiziun a usc o por scrit. Nos podun inće intermedié y se porvè por ciafè na soluziun di conflić.

Ostes propostes vëgn menades inant

Sc'i cherdëis che i ofizi podess destrighé so laûr te na manira plü razionala y plü asvelta y sc'i ëis propostes por mioré la situaziun, sc'i sëis dla convinziun che certes regoles dess gnì mudades o eliminades y sce degügn ne ves ascuta sö, po la defensuria popolara menè inant ostes propostes ai ofizi aministratifs o al Consëi provinzial.