Contignü prinzipal
Porsona de referimënt
La defensuria popolara dla provinzia vëgn litada dal Consëi provinzial cun lîta socrëta danter i candidać/les candidates che à tut pert a na aldiziun. Pro la lîta mëssel gnì arjunt la maioranza de dui terzi dles usc di aconsiadus provinziai y insciö vara debojëgn de na ampla azetanza sura i confins di partis fora.
La defensuria popolara ne fej nia pert dla aministraziun provinziala, süa independënza da dötes les istituziuns politiches, vëgn renforzada dal insediamënt dla defenüda zivica pro le Consëi provinzial.
Cun la creaziun dl'istituziun dla defenöra zivica ti é Südtirol jü do a na tendënza a livel mondial y che é piada ia tla Scandinavia ("Ombudsmann"): al ti vëgn dè al zitadin n sostëgn tl raport cun l'aministraziun publica, che vëgn tres plü complicada y intravaida.
Tl Südtirol vën tl 1985 numinà l dut. Heinold Steger coche prim defensëur zivich. Do ël devënta defensëures zivics l dut. Werner Palla (dal 1992 nchin tl 2004) y la dut.a Burgi Volgger (dal 2004 nchin tl 2014).
Ai 17 d’auril 2014 vën l’aucata dut.a Gabriele Morandell liteda dal Cunsëi provinziel cun na maiuranza de doi terc (29 de 32 ujes) defensëura zivica dla Provinzia. Cun decret dl Presidënt dl Cunsëi provinziel ie ëila tla ncëria dai 14 de lugio 2014.