Südtiroler Landtag

Cookie policy

Informaziuns aladô dl art. 13 dl Codesc sön la proteziun di dac personai

Ci é pa i cookies?

I cookies é de pici file de test che vëgn ortiá y registrá sön le computer o aparat mobil, canche an ti ciara a n sit, por gní spo ortiá inant al sit le iade dedô che an ti ciara. Propi por mirit di cookies se recorda le sit les aziuns y les impostaziuns dl utënt (sciöche por ejëmpl, i dac de login, le lingaz chirí fora, la dimenjiun di pustoms, les atres impostaziuns de visualisaziun, y i.i.) a na moda che al ne mësses nia gní dé dant ciamó n iade canche l'utënt vá indô a ti ciaré al medemo sit o vá da na plata al'atra. I cookies vëgn porchël adorá por fá autenticaziuns informatiches, monitoré les sessiuns y memorisé informaziuns che reverda les ativités di utënc che ti röia pormez a n sit y pó contigní ince n codesc d’identificaziun su che conzed da tigní sö la navigaziun dl utënt tl sit por fins statistics o de retlam. Tratan che l’utënt é sön n sit pól ciafé sön so computer o aparat mobil ince cookies de d’atri sic o web servers (cookies de "terzi"). N valgönes operaziuns ne podess nia gní fates zënza l'adoranza de cookies, che vá te cer caji porchël tecnicamënter debojëgn por le funzionamënt dl sit.

Al é de plü sorts de cookies, aladô de sües carateristiches y funziuns, y ai pó romagne tl computer o aparat mobil dl utënt por tëmps desvalis: i cookies de sessiun, che vëgn cancelá automaticamënter canche an stlüj le browser; i cookies permanënc che romagn sön l'aparat dl utënt cina a na tomanza fata fora.

Aladô dles normes varëntes tla Talia ne vál nia dagnora debojëgn de n consëns dl utënt por adoré i cookies. Dantadöt ne vál nia debojëgn dl consëns por i cookies “tecnics”, chël ó dí chi adorá ma por dé inant na comunicaziun sön na rëi de comunicaziun eletronica, o por pité n sorvisc damané esplizitamënter dal utënt. Ara nen vá de cookies indespensabli por le funzionamënt dl sit o che vá debojëgn por ativités damanades dal utënt.

Danter i cookies tecnics, che ne se ghira nia n consëns por süa adoranza, tol ite le Garant por la proteziun di dac personai (cfr. Prov. Gen. „Individuaziun dles modalités scemplificades por l'informaziun y l'acuisiziun dl consëns por adoré i cookies - 8 de ma dl 2014“) ince:

  • i “cookies analytics” che i vëgn adorá diretamënter dal gestur dl sit por cöie adöm informaziuns sön le numer di utënc y sön coche chisc ti ciara al sit,
  • i cookies de navigaziun o de sessiun (por s'autentiché, por cumpré val’ y i.i.),
  • i cookies de funzionalité, che ti conzed al utënt da navighé aladô de na seria de criters chiris fora (por ejëmpl le lingaz, i produc chiris fora da cumpré) por mioré le sorvisc dla plata web.

Por i cookies de profil, chël ó dí che mirëia a cherié n profil dl utënt y che vëgn adorá por ortié messaji de retlam aladô dles preferënzes dl utënt tl cheder dla navigaziun tla rëi, indere, vëgnel damané damperfora le consëns dl utënt.

Ci cookies adorunse pa?

Chësta plata web n'adora nia cookies de profil.

Chësc sit adora dantadöt:

  • cookies tecnics, chël ó dí de navigaziun o sessiun, che vá debojëgn por le funzionamënt dl sit o por ti conzede al utënt d'adoré i contignüs y i sorvisc damaná;
  • cookies analytics, che conzed da capí sciöche le sit vëgn adoré dai utënc. Cun chisc cookies ne vëgnel nia coiü adöm informaziuns sön l’identité dl utënt y gnanca dac personai. Les informaziuns vëgn tratades te na forma sintetica y anonima;
  • cookies de terzi, chël ó dí cookies de d’atri sic o web servers che vëgn adorá por i fins de terzi.

Canche i jëis sön n sit web podëise ciafé cookies sides dal sit a chël che i ti ciarëis ("patruns"), sides da sic manajá da d’atres organisaziuns ("terzi"). N ejëmpl é rapresenté dala presënza dantadöt de "social plugin" por ejëmpl Facebook, Twitter, Google+. Ara se trata de perts dla plata vijitada realisá diretamënter dai sic nominá dessura y integrá sön la plata dl sit ospitant. L'adoranza de social plugin á le fin da partí i contignüs sön i social network.

La presënza de chisc plugin comporta la trasmisciun de cookies da y cuntra düc i sic manajá da terzi. La gestiun dles informaziuns coiüdes adöm da "terzi" vëgn regolamentada dales informaziuns a chëres che i desses fá referimënt. Por garantí na majera trasparënza y comodité, vëgnel dé dant chiló dessot les misciuns web dles informaziuns desvalies y dles modalités por manajé i cookies.

Danter i cookies analytics vëgnel desfarenzié dantadöt i cookies de Google Analytics, n sorvisc d'analisa di dac web dla Google Inc. ("Google").

Ai abilitëia le funzionamënt de Google Analytics y dëida i operadus dl sit web analisé les ativités sön le sit, sciöche por ejëmpl le numer di vijitadus, i criters d’esploraziun, i sorvisc adorá y i tëmps mesans de permanënza, y d’atri dac che dëida la Provinzia autonoma de Balsan mioré l’adoranza di contignüs.

Tl caje d'ativaziun de n IP anonim sön chësc sit web, vëgn osta misciun IP naota scortada da Google ti Stac mëmbri dl’Uniun Europeica o de d'atri Stac che fej pert dl’Acordanza sön la lerch economica europeica. Ma te caji ezezionai vëgnel ortié la misciun IP intiera a n server de Google ti USA y scortada dailó. Sön chësc sit web él gnü ativé l’IP anonim. A inom dl operadú de chësc sit adorará Google les informaziuns por ejaminé sciöche i adorëis le sit, scrí fora relaziuns sön les ativités por i operadus dl sit web y ti pité d'atri sorvisc sön les ativités dl sit y l'adoranza de internet.

La misciun IP ortiada inant da Google tl cheder de Google Analytics ne coliará osta misciun IP a degun ater dat de Google. I podëis a vigni moda refusé l’adoranza de cookies, chiron fora l'impostaziun aposta sön osc browser; tignide cunt porimpó che a chësta moda ne podarëise bonamënter nia adoré dötes les funziuns de chësc sit web. I podëis tigní sö l’acuisiziun y ince l’elaboraziun da pert de Google di dac generá dai cookies y che reverda osta adoranza dl sit web (incl. osc IP), sce i instalëis le plugin por browser da ciafé sön chësc link: tools.google.com/dlpage/gaoptout

Clichede chiló por de plü informaziuns sön i cookies de Google: www.google.com/intl/de_ALL/analytics/learn/privacy.html

Les informaziuns ciafades tres i cookies ne vëgn nia adorades por identifiché i utënc. I cookies vëgn ma adorá por i fins descric dessura.

Impostaziuns di cookies

Chiló vára da chirí fora y dé dant avisa ci cookies istalé.

Les preferënzes dl utënt en referimënt ai cookies messará gní metüdes ite danü sce an adora d'atri aparac o browsers por rové sön le sit.

I cookies tecnics ne se damana nia n consëns danfora da pert dl utënt por i adoré.

L’utënt pó te vigni momënt mudé o confermé les preferënzes sön l'adoranza di cookies dl sit, ti jon pormez a chësta plata tres le link aposta tla pert jö insom dla plata web.

Dlungia chësta prozedöra pó l’utënt autorisé, bloché o cancelé (daldöt o en pert) i cookies ince tres les funziuns spezifiches de so program de navigaziun (le browser): porimpó sce n valgügn o düc i cookies vëgn dejativá pól ester che ara ne vais nia plü da ti ciaré al sit o che n valgügn sorvisc o certes funziuns dl sit ne sides nia plü desponbli o ne funzionëies nia sciöche al alda y/o l’utënt podess messëi mudé o mëte ite a man n valgönes informaziusn o preferënzes vigni iade che al ti ciara al sit.

Por ciafé de plü informaziuns sön co imposté les preferënzes sön l’adoranza di cookies tres le browser de navigaziun pón ti ciaré ales istruziuns:

De plü informaziuns y detais sön les sorts de cookies, sües modalités de funzionamënt y carateristiches ciafon sön le sit debann www.AllAboutCookies.org.

Dötes les indicaziuns sön les modalités, i tëmps y la sort de informaziuns che i titolars dl tratamënt mëss ti dé ai utënc canche chisc se coliëia a plates web, pó gní consultades sön chësc link.

Logo - Südtiroler Landtag